సూర్యకవచస్తోత్రమ్
శ్రీగణేశాయ నమః ।
యాజ్ఞవల్క్య ఉవాచ ।
శ్రృణుష్వ మునిశార్దూల సూర్యస్య కవచం శుభమ్ ।
శరీరారోగ్యదం దివ్యం సర్వసౌభాగ్యదాయకమ్ ॥ ౧॥
దేదీప్యమానముకుటం స్ఫురన్మకరకుణ్డలమ్ ।
ధ్యాత్వా సహస్రకిరణం స్తోత్రమేతదుదీరయేత్ ॥
౨॥
శిరో మే భాస్కరః పాతు లలాటం మేఽమితద్యుతిః ।
నేత్రే దినమణిః పాతు శ్రవణే వాసరేశ్వరః ॥ ౩॥
ఘ్రాణం ఘర్మఘృణిః పాతు వదనం వేదవాహనః ।
జిహ్వాం మే మానదః పాతు కణ్ఠం మే సురవన్దితః ॥
౪॥
స్కన్ధౌ ప్రభాకరః పాతు వక్షః పాతు జనప్రియః ।
పాతు పాదౌ ద్వాదశాత్మా సర్వాఙ్గం సకలేశ్వరః ॥
౫॥
సూర్యరక్షాత్మకం స్తోత్రం లిఖిత్వా
భూర్జపత్రకే ।
దధాతి యః కరే తస్య వశగాః సర్వసిద్ధయః ॥ ౬॥
సుస్‍నాతో యో జపేత్సమ్యగ్యోఽధీతే స్వస్థమానసః
।
స రోగముక్తో దీర్ఘాయుః సుఖం పుష్టిం చ
విన్దతి ॥ ౭॥
॥ ఇతి శ్రీమద్యాజ్ఞవల్క్యమునివిరచితం సూర్యకవచస్తోత్రం
సమ్పూర్ణమ్ ॥
No comments:
Post a Comment